REASONS WHY WE SHOULD PRAISE THE LORD

Psalm 146:1-2 says "Praise the LORD. Praise the LORD, Oh my soul. While I live I will praise the LORD. I will sing praise unto my GOD while I have my being." We praise GOD verse 6 " because He made heaven and earth, the sea and all things therein. We praise GOD because He keeps truth forever." He is worthy of praise because He is the creator of all things. The power of GOD is unlimited. He is an awesome GOD. Psalm 95:3 says "For the LORD is a great GOD, and a great king above all GODS." Psalm 95:6 says "Oh come, let us worship and bow down, let us kneel before the LORD our maker." Verse 7 "For He is our GOD, and we are the sheep of His pasture."

We praise GOD because He "executes justice for the oppressed, gives food to the hungry, and sets free those who are prisoners to sin." Verse 8 "He opens the eyes of those who are blind, He raises up those who are bowed down because He loves those who are righteous." Verse 9 " The LORD protects and preserves the stranger. He relieves the fatherless and the widow, but He turns upside down the wicked." We can see and understand in these verses that GOD is all powerful. Not only did He create all things but He cares for and ministers to the needs of His people.

He opens our eyes spiritually to understand our great need to be forgiven and to understand that His sacrifice for sin provides salvation to those who believe. We praise Him because He meets our daily needs to have food for each day. We praise Him because He set us free from the penalty and guilt of sin through His death on the cross. We praise Him because He raised us up from spiritual death to new life in Christ.

Our GOD is a great GOD and we praise Him for His goodness and mercy forever. Psalm 146:1-2 says "Praise the LORD. Praise the LORD, Oh my soul. While I live I will praise the LORD. I will sing praise unto my GOD while I have my being." Praise the LORD. When we understand the greatness of GOD and what He has done for us, what can we do but fall down on our knees and praise GOD. Oh praise the LORD.

“As for Me and My House, We Will Serve the Lord”

“But if you refuse to serve the Lord, then choose today whom you will serve. Would you prefer the gods your ancestors served beyond the Euphrates? Or will it be the gods of the Amorites in whose land you now live? But as for me and my family, we will serve the Lord.” Joshua 24:15 

The passage “As for me and my house, we will serve the Lord,” is popular. It’s printed on plaques, found on old reclaimed pallet wood, printed on the front of Bibles, and even hand-painted on walls of homes. It adorns Christian homes in many aspects because it is a statement of faith, an affirmation of a family’s commitment and covenant to serve the Lord. 

NGUVU YA MAOMBI

Maombi ni mawasiliano baina ya pande mbili.

“Maombi kwa MUNGU” yaani kumwomba Mungu ni mawasiliano baina ya mwanadamu na Mungu ambayo huimarika katika majawabu yatokayo kwa Mungu.

Lengo la somo hili ni kuhimarisha mawasiliano yako na Mungu katika maombi.

Katika somo hili tutaenda na Yakobo 1:5-7

Yakobo 1:5-7; “Lakini mtu wa kwenu akipungukiwa na hekima, na aombe dua kwa Mungu, awapaye wote, kwa ukarimu, wala hakemei; naye atapewa. Ila na aombe kwa imani, pasipo shaka yo yote; maana mwenye shaka ni kama wimbi la bahari lililochukuliwa na upepo, na kupeperushwa huku na huku. Maana mtu kama yule asidhani ya kuwa atapokea kitu kwa Bwana.”

Pia maombi ni mhimu sana yaambatane na imani maombi yoyote yale yasipokuwa na imani ni sawa na bure. Maombi ya imani ni yale yasiyo kuwa na shaka ndani yake. Sio shaka tu bali shaka ya aina yoyote maana ukiomba kwa shaka kamwe hauta pokea kwa Bwana.

Waebrania 11:1; “Basi imani ni kuwa na hakika ya mambo yatarajiwayo, ni bayana ya mambo yasiyoonekana.”

Na kumbuka kwamba maana ya uhakika ni kutokuwa na mashaka au wasiwasi wa aina yeyote ile. Na uhakika unakuthibitishia ya kwamba kile unacho kiomba au kitarajia ni lazaima kipo au kinakuja.

Ukiwa na mashaka katika maombi tambua moja kwa moja ya kuwa hauna imaani. Na kama hauna imani usitegemee kupokea majibu kutoka kwa Bwana maana Bwana huwajibu wale wanao mwamini katika maombia yao.

Ndiyo ni kanuni yake mwenyewe Mungu wetu.

Mungu anafanya kazi yake kwa kanuni na kama unataka kuishi maisha anayotaka lazima ukubaliane nazo.

Uombapo usiombe kwa mashaka maana mashaka ni kama wimbi

Na sifa ya Wimbi ni kufuata mwelekeo a upepo unako elekea hivyo kama upepo ukivuma kutoka kaskazini kwenda mashariki wimbi hufuata na kama upepo ukigeuza kutoka kaskazini kwenda kusini wimbi nalo hufuata ndivyo alivyo mtu wa mashaka.

Kwahiyo mtu wa tabia kama hizi katika maombi asidhani ya kuwa atapokea kwa Bwana.

…oooh Bwana Yesu asifiweee…

Maombi yenye imani pasipo mashaka ni kama kutembea huku ukienda sehemu unayo ifahamu

kwa mfano mtu anaye tembea kwenda kwao anapo pafahamu uwe na uhakika hawezi kupotea hata siku moja hii ni kwa sabau anafahamu anapo kwenda.

Ndivyo yalivyo na mambi yasio na shaka kwa kuwa humfanya mtu atembee huku akitegemea kupokea kile alicho kiomba kwa Bwana.

Unatakiwa uombe kwa imani pasipo mashaka maana mashaka mashaka yatakufanya usipokee.

Mimi sijui ni wakristo wa ngapi ambao huandika maombi yao huku waki yawekea vema kwa yale yanayo jibiwa ila ninacho kifahamu ni kwamba wengi huwa wanaomba juujuu tu huku wakizani ya kuwa Mungu amesha wajibu kumbe bado wanaishia pasipo kuona matokeo ya kile wanacho kiombea na hii nikutokana na kutokuamini kwao.

Nasema kwa sababu ya kutokuwa na imani kwa sababu kama wangeomba kwa imani nilazima wangepokea kutoka kwa Bwana.

Kumbuka si kuomba tu kwa ajili ya mapepo na wachawi bali Biblia katika Yakobo inatueleza ya kuwa hata ukipungukiwa na hekima napo unatkiwa kwenda kwa Mungu ili akupatie hekima ipitayo hekima zote za kibinadamu, ili uipokee hekima hiyo au lolote uliombalo unacho takiwa kufanya ni kuomba kwa imani timilifu..

Wagalatia 3:7; “Fahamuni basi, ya kuwa wale walio wa imani, hao ndio wana wa Ibrahimu.”

Neno linathibitisha yakuwa wale walio na imani hao ndio wana wa Ibrahimu. Kumbuka katika agano jipya tunazipata ahadi za Mungu alizo mwahidi Ibrahimu kupitia Yesu kristo kwa njia ya imani.

Unapo isoma Biblia unatambua ukweli kabisa ya kwamba Ibrahimu aliitwa baba wa imani na kuwa rafiki wa Mungu kwa sababu ya kuamini hivyo hata wewekama unahitaji kuwa rafiki wa karibu wa Mungu ni lazima utembee kwa kumwamini yeye kwa kila ulitendalo.

Kumbuka sio kuamini kwa wasiwasi bali kuamini kwa Imani timiifu isiyo na mashaka ndani yake.

Katika maombi ipo siri ya ajabu sana ambayo imefichika katika Imani kwa kile unacho taka Mungu akujibu jitahidi sana kuomba kwa imani maana pasipo imani kamwe haiwezekani kumpendeza Mungu siri hii itakusaidia sana kama utaiweka katika uhalisia wa vitendo.

Katika maisha ya wokovu nimeona majibu ya maombi yangu yakijibiwa kwa haraka sana pale nilipokuwa nikiomba kwa imani, hivyo mpendwa kama unataka kujibiwa maombi yako usihangaike kutafufuta jawabu lingine tofuti na kuomba kwa imani; maana katika imani ndimo kuna majibu tosha ya maombi yako.

Kitu kingine ninacho kushirikilisha ni kuhusu

Kuishi kikamilifu katika maisha ya wokovu maana kuna nguvu ya kipekee sana inayo chochea maombi ya imani nayo inatoka katika Roho Mtakatifu ambaye huwa ndani ya wale wote wanaoishi maisha ya kumtegemea Mungu pasipo kufuata tamaa za mwili.

Hivyo unapo ishi maisha matakatifu Roho Mtakatifu atakusukuma kuomba kwa mzingo na kwa imani katika maombi yako yote haswa yaliyo mapenzi ya Mungu kwako.

FUNGUO TATU ZA YESU ALIZOTUPA KUHUSU MAOMBI YENYE MAJIBU:

Pia kuna funguo tatu au mambo matatu ambayo Yesu ameyatoa ili kupata majibu yetu katika maombi nitaelezea moja baada ya nyingine.

1. USTAHIMILIVU (USUGU):

Funguo ya kwanza ya kujibiwa maombi ni ustahimilivu (kung’ang’ania).

Mungu anatutaka sisi kushikilia ipasavyo ahadi zake katika maombi. Maombi yetu yote yajengwe kwenye ahadi zake yeye.

Luka 11:10; “Kwa kuwa kila aombaye hupokea; naye atafutaye huona; naye abishaye atafunguliwa.”

Sasa maana yake nini?

Omba na uendelee kuomba utapewa. Tafuta na uendelee kutafuta utapata. Bisha na uendelee kubisha mlango na utafunguliwa.

Tukimuomba Mungu ameahidi kutupa Lakini inabidi tusubirie wakati sahihi wa Mungu. Maandiko yanasema yeye hawahi wala hachelewi…

2. MAKUSUDI (BE PURPOSEFUL):

Biblia inasema sababu kubwa ya sisi kutokupokea vipawa vya Mungu ni kwa sababu hatujaomba.

Yakobo 4:2; “Mwatamani, wala hamna kitu, mwaua na kuona wivu, wala hamwezi kupata. Mwafanya vita na kupigana, wala hamna kitu kwa kuwa hamwombi!”

Zaburi 37:4-5; “Nawe utajifurahisha kwa BWANA, Naye atakupa haja za moyo wako. Umkabidhi BWANA njia yako, Pia umtumaini, naye atafanya.”

3. MAHUSIANO NA BABA (PERSONAL RELATIONSHIP):

Kitu cha muhimu sana kwenye maombi yenye majibu ni mahusiano mazuri na baba wa mbinguni.

Watu wawili kwenye biblia ambao wanasifiwa au wanaonekana kuwa na Imani kubwa ni Musa na Ibrahimu.

Lakini wawili hawa walifanikisha njia yako kwa sababu walikuwa na mahusiano ya kipekee na Mungu.

Yakobo 2:23; “Maandiko yale yakatimizwa yaliyonena, Ibrahimu alimwamini Mungu, ikahesabiwa kwake kuwa ni haki; naye aliitwa rafiki wa Mungu.”

Kutoka 33:11; “Naye BWANA akasema na Musa uso kwa uso, kama vile mtu asemavyo na rafiki yake. Kisha akageuka akarejea hata maragoni; bali mtumishi wake Yoshua, mwana wa Nuni, naye ni kijana, hakutoka mle hemani.”

Watu hawa walifanya maajabu ulimwenguni.

KWANINI WALIFANYA MAAJABU?

Lakini kumbuka inachukua muda kuwa na mahusiano ya karibu sana na Mungu.

Unaanza kwa kumhusisha Mungu kwenye mambo ya maisha yako ya kila siku.

Tenga muda maalumu kwa ajiri ya usomaji wa biblia.

Anza kuombea rafiki zako pia kumbuka kumshukuru Mungu kwa yale ambayo anajibu kila siku.

Naomba nifikie kikomo hapa kwa leo, Mungu akitujaalia wakati mwingine tutasemezana.

Bwana Mungu awabariki sana!

Inakuja: Vipawa na karama za roho Mtakatifu, kaa tayari kwa ajili ya mafundisho itakayo kuja. 

MS. GUILLAIN 

SIFA NA MAABUDU (New Generation)

Sifa na kuabudu ni maneno yenye maana inayokaribiana. Kusifu ni kueleza wasifu wa mtu au kitu. Kwa maana nyingine ni Kumuinua Mungu juu, ni Kushukuru na Kumpazia sauti, kumfanyia shangwe na kujishusha chini ya Bwana Yesu kwa Unyenyekevu. Kuabudu maana yake Kusujudia, kuinama kwa kuonesha unyenyekevu, heshima kwa au kuanguka kifudifudi. Kusifu na kuabudu ni agizo la Bwana kwa wanadamu. Ni katika sifa Mungu uwatokea wanadamu. Mungu akishuka katikati ya wanadamu siku zote huleta mabadiliko.

 Zamani makanisa ya kiroho yalijulikana kwa kumsifu Mungu na hata sasa. Kumsifu na kumwabudu kwa moyo wa kweli kunavuta mtu kwa Mungu. Siku zote Mungu anapenda kusikia, tukiisifia kazi na uumbaji wake na mambo makubwa aliyotenda maishani mwetu. Ni kawaida hata wanadamu wanapenda kusifiwa. Mfano kila mwajiri anapenda kusifiwa na wafanyakazi wake jinsi anavyowatendea au jinsi alivyo bos mzuri. Mungu ni zaidi ya wanadamu wote maana yeye ndiye aliyewaumba wote na sisi tu watu wake.

KUSIFU NI AGIZO LA MUNGU

Zaburi 34:1 Imeandikwa, “Nitamhimidi Bwana kila wakati, Sifa zake zi kinywani mwangu daima. 2 Katika Bwana nafsi yangu itajisifu, Wanyenyekevu wasikie wakafurahi.3 Mtukuzeni Bwana pamoja nami, Na tuliadhimishe jina lake pamoja.” Kuabudu na kumsifu Mungu ni jambo la siku zote na nyakati zote. Unaweza kumsifu na kumwadhimisha Mungu ukiwa safarini, kazini, shambani au mahali popote. Kumsifu Mungu kunasababisha mtu ahisi uwepo wa Mungu. Kusifu na kumwabudu ni mahali pote bila kujali hali uliyo nayo. Kuna wakati mwingine ambao unapita wakati mgumu hata huwezi kuomba. Lakini jipe moyo na umwimbie Mungu. Anza kumsifu Mungu kwa kuimba kwa sauti yako, kwa kupiga kinanda, zeze na zumari. Mwingine anaweza kupiga vigelele na miluzi pia. Katika kumsifu Mungu hakuna kuangalia nafasi uliyonayo katika jamii.

Yohana 4: 4-24 Imeandikwa, “ Naye alikuwa hana budi kupita katikati ya Samaria. 5 Basi akafika kunako mji wa Samaria, uitwao Sikari, karibu na lile shamba ambalo Yakobo alimpa Yusufu mwanawe. 6 Na hapo palikuwa na kisima cha Yakobo. Basi Yesu, kwa sababu amechoka kwa safari yake, akaketi vivi hivi kisimani. Nayo ilikuwa yapata saa sita. 7 Akaja mwanamke Msamaria kuteka maji. Yesu akamwambia, Nipe maji ninywe. 8 Kwa maana wanafunzi wake wamekwenda mjini kununua chakula. 9 Basi yule mwanamke Msamaria akamwambia, Imekuwaje wewe Myahudi kutaka maji kwangu, nami ni mwanamke Msamaria? (Maana Wayahudi hawachangamani na Wasamaria.)10 Yesu akajibu, akamwambia, Kama ungaliijua karama ya Mungu, naye ni nani akuambiaye, Nipe maji ninywe, ungalimwomba yeye, naye angalikupa maji yaliyo hai. 11 Yule mwanamke akamwambia, Bwana, huna kitu cha kutekea, na kisima ni kirefu; basi umeyapata wapi hayo maji yaliyo hai? 12 Je! Wewe u mkubwa kuliko baba yetu, Yakobo, aliyetupa kisima hiki, naye mwenyewe akanywa maji yake, na wanawe pia, na wanyama wake? 13 Yesu akajibu, akamwambia, Kila anywaye maji haya ataona kiu tena; 14 walakini ye yote atakayekunywa maji yale nitakayompa mimi hataona kiu milele; bali yale maji nitakayompa yatakuwa ndani yake chemchemi ya maji, yakibubujikia uzima wa milele. 15 Yule mwanamke akamwambia, Bwana, unipe maji hayo, nisione kiu, wala nisije hapa kuteka. 16 Yesu akamwambia, Nenda kamwite mumeo, uje naye hapa. 17 Yule mwanamke akajibu, akasema, Sina mume. Yesu akamwambia, Umesema vema, Sina mume; 18 kwa maana umekuwa na waume watano, naye uliye naye sasa siye mume wako; hapo umesema kweli. 19 Yule mwanamke akamwambia, Bwana, naona ya kuwa u nabii! 20 Baba zetu waliabudu katika mlima huu, nanyi husema ya kwamba huko Yerusalemu ni mahali patupasapo kuabudia. 21 Yesu akamwambia, Mama, unisadiki, saa inakuja ambayo hamtamwabudu Baba katika mlima huu, wala kule Yerusalemu. 22 Ninyi mnaabudu msichokijua; sisi tunaabudu tukijuacho; kwa kuwa wokovu watoka kwa Wayahudi. 23 Lakini saa inakuja, nayo sasa ipo, ambayo waabuduo halisi watamwabudu Baba katika roho na kweli. Kwa maana Baba awatafuta watu kama hao wamwabudu. 24 Mungu ni Roho, nao wamwabuduo yeye imewapasa kumwabudu katika roho na kweli.”

Hizi ni habari za mwanamke aliyekuwa anatafutwa na Yesu. Huyu ni mama aliyekuwa na matatizo ya kuolewa na kuachwa. Ila Yesu akamuuliza maswali mpaka akamfahamu asili yake. Mtafute Yesu na utamfahamu kwa undani zaidi. Kumwabudu Mungu ni sawa na kuomba, katika kumwabudu Mungu roho ya mwanadamu inakutana na Roho wa Mungu. Imeandikwa Mungu ni roho, na wale wamwabuduo lazima wamwabudu katika roho na kweli.

Mathayo 15 : 8- 9 Imeandikwa, “Watu hawa huniheshimu kwa midomo; Ila mioyo yao iko mbali nami. 9 Nao waniabudu bure, Wakifundisha mafundisho Yaliyo maagizo ya wanadamu.” Kumbe ili umwabudu Bwana lazima uwe na Bwana Yesu ndani yako. Moyo uko tayari kuyatenda mapenzi ya Mungu. ndio maana neno linasema ipo saa ambayo wamwabuduo Mungu watamwabudu katika roho na kweli. Kumwabudu Mungu katika kweli ni kuishi katika Haki. Neno la Mungu linasema watu hawa wananiheshimu kwa midomo ila mioyo yao iko mbali nami. Unaona Yesu anamtafuta mtu mmoja amabaye moyo wake ameuweka tayari kwa ajili ya Bwana Yesu.

2 Nyakati 5: 13-14 Imeandikwa, “hata ikawa, wenye panda na waimbaji walipokuwa kama mmoja, wakisikizisha sauti moja ya kumsifu na kumshukuru Bwana nao wakipaza sauti pamoja na panda na matoazi na vinanda, wakimsifu Bwana, wakisema, Kwa kuwa ni mwema; kwa maana fadhili zake ni za milele; ndipo nyumba ikajawa na wingu, naam, nyumba ya Bwana,14 hata makuhani hawakuweza kusimama ili kufanya huduma yao, kwa sababu ya lile wingu; kwa kuwa nyumba ya Mungu imejaa utukufu wa Bwana.”

Mungu anamtafuta mtu atakayemwabudu katika Roho na Kweli. Kusifu na Kumwabudu Mungu kunafanyika katika Roho na kweli. Anachoangalia Mungu ni kile kinacho kusukuma kumchezea Bwana Yesu. akitupata wote, tukimwabudu tunakuwa tumeungana na Roho wa Mungu. Tukishaunganika kwa pamoja tukiimba, na tukiomba Nguvu ya Mungu itaonekana kwa namna ya tofauti. Zaburi 22: 3 Imeandikwa,” Na Wewe U Mtakatifu, Uketiye juu ya sifa za Israeli.” Tukiungana kwa pamoja basi Mungu hutokea na kuketi katikati yetu. Mathayo 18: 20 Imeandikwa, “Kwa kuwa walipo wawili watatu wamekusanyika kwa jina langu, nami nipo papo hapo katikati yao.” Tukimwabudu kwa pamoja Mungu ushuka kwa nguvu na uweza wake wote. Na Mungu akishuka tayari uponyaji unadhihirika. Mtu yeyote katika maisha anatamani uwepo wa Mungu. Maana uwepo wa Mungu ukiwepo, mtu uwa na amani kwa kila analolifanya. Kwa sababu uwepo wa Mungu ukiwepo, kazi, biashara, masomo, huduma inakuwa salama.

SIFA HUFUNGUA VIFUNGO;

Matendo ya Mitume 16:23-28 Imeandikwa, “Na walipokwisha kuwapiga mapigo mengi, wakawatupa gerezani, wakamwamuru mlinzi wa gereza awalinde sana. 24 Naye akiisha kupata amri hii akawatupa katika chumba cha ndani, akawafunga miguu kwa mkatale. 25 Lakini panapo usiku wa manane Paulo na Sila walikuwa wakimwomba Mungu na kumwimbia nyimbo za kumsifu, na wafungwa wengine walikuwa wakiwasikiliza. 26 Ghafula pakawa tetemeko kuu la nchi, hata misingi ya gereza ikatikisika, na mara hiyo milango ikafunguka, vifungo vya wote vikalegezwa. 27 Yule mlinzi wa gereza akaamka, naye alipoona ya kuwa milango ya gereza imefunguka, alifuta upanga, akataka kujiua, akidhani ya kuwa wafungwa wamekimbia. 28 Ila Paulo akapaza sauti yake kwa nguvu, akisema, Usijidhuru, kwa maana sisi sote tupo hapa.”

Katika sifa miujiza hutokea, ni katika sifa tu hata yale yasiyowezekana kwa macho ya wanadamu, yanawezekana. Hapa Paulo na Sila walikuwa gerezani. Ni wafungwa waliompiga mkuu wa mji aliyewapatia mabwana zake mali kwa nguvu za kishetani. Hawa ni wafungwa waliokuwa wafungwa maaalumu. Kwa kawaida kila mlango wa gereza huwa na kufuli. Wakaingizwa chumba maalum, wakafungwa kwa mikatale ili wasitoroke. Wakawekewa walinzi. Lakini cha kushangaza watumishi hawa waliijua siri ya kusifu na kuabudu. Hawakuangalia hali ya tatizo walilokuwa nalo. Bali katika hali ya vita ile walianza kumsifu Mungu

Neno la Mungu linasema walimsifu Mungu kwa furaha. Kuna mambo ambayo umeyaombea mpaka umechoka sana. Usikate tama, bali ndio wakati wa kuanza kuimba na kumsifu Bwana.  Kwenye kuimba lazima utakutana na Mungu. Kupitia sifa Mungu atakutana na hitaji la moyo wako nawe utakuwa salama kwa jina la Yesu. Wafungwa wengine waliwashangaa sana kwa maombi yale. Kumbe kuna tatizo ambalo halijaisha kwa sababu hujamwabudu Mungu. Mungu aliiangalia Imani yao. Baada ya muda mfupi misingi ya gereza ilitikisika na milango ya gereza ikafunguka. Kushinda kwao kulitokana na kumsifu na kumwabudu Bwana.

Yona 2: 1-7 Imeandikwa, “Ndipo Yona akamwomba Bwana, Mungu wake, katika tumbo la yule samaki, 2 Akasema, Nalimlilia Bwana kwa sababu ya shida yangu,  Naye akaniitikia; Katika tumbo la kuzimu naliomba,  Nawe ukasikia sauti yangu. 3 Maana ulinitupa vilindini,  Ndani ya moyo wa bahari;  Gharika ya maji ikanizunguka pande zote; Mawimbi yako yote na gharika zako zote zimepita juu yangu. 4 Nami nikasema, Nimetupwa mbali na macho yako;  Lakini nitatazama tena kukabili hekalu lako takatifu. 5 Maji yalinizunguka, hata nafsini mwangu;  Vilindi vilinizunguka; Mwani ulikizinga kichwa changu; 6 Nalishuka hata pande za chini za milima;  Hiyo nchi na mapingo yake yalinifunga hata milele;  Lakini umeipandisha nafsi yangu kutoka shimoni,  Ee Bwana, Mungu wangu, 7 Roho yangu ilipozimia ndani yangu,  Nalimkumbuka Bwana;  Maombi yangu yakakuwasilia, Katika hekalu lako takatifu.”

Yona aliwai kuwa ndani ya tumbo la Samaki. Katika tumbo Yona hakuwa na maamuzi juu ya maisha yake, hili lilikuwa gereza. Hiki kilikuwa kifungo cha aina yake. Yona alipokuwa katika tumbo la Samaki, akamlilia Bwana. Yona alimsifu na kumwabudu Bwana ndipo alipotapikwa kutoka tumboni mwa Samaki. Siri ya kufunguliwa kwa Yona, ilikuwa ni kumsifu Bwana. Baada ya kumsifu na kuabudu ndipo Bwana akamwamuru samaki amtapike Yona. Katika shida yako uelekeze moyo wako kwa Bwana. Mtafute Bwana nyakati zote. Usiifanye shida yako kuwa ndio sehemu ya maamuzi yako. Mwabudu na kumsifu Mungu ili ashuke kukusaidia. Yona alipokuwa katika vilindi vya bahari akakumbuka kwa habari za waliowai kusaidiwa na Mungu. Lazima tujifunze kumwabudu Mungu katika hali zote. Kuliangalia tatizo na kukata tamaa ni kumtukuza shetani. Hii ni kwa sababu mabaya utoka kwa shetani. Yakiwepo magumu mbele yako, mwabudu Mungu nawe katikati ya sifa utapata ufumbuzi wa tatizo lako.

Zaburi 149: 1-6 Imeandikwa, “Haleluya. Mwimbieni Bwana wimbo mpya, Sifa zake katika kusanyiko la watauwa. 2 Israeli na amfurahie Yeye aliyemfanya, Wana wa Sayuni na wamshangilie mfalme wao. 3 Na walisifu jina lake kwa kucheza, Kwa
matari na kinubi wamwimbie. 4 Kwa kuwa Bwana awaridhia watu wake, Huwapamba wenye upole kwa wokovu. 5 Watauwa na waushangilie utukufu, Waimbe kwa sauti kuu vitandani mwao. 6 Sifa kuu za Mungu na ziwe vinywani mwao, Na upanga mkali kuwili mikononi mwao.” Tukiabudu Mungu hushuka. Uwepo wa Mungu ukiwepo mahali kila kitu utikiswa. Ndio maana Yesu alipofufuka makaburi yote yalipasuka na wafu wakatoka.  Jifunze na tufanye kumsifu na kumwabudu Mungu kuwe sehemu ya maisha yetu. Kumsifu Mungu kunasababisha miujiza na nguvu ya Mungu kuonekana katika maisha yako.

Imeandikwa na Mudadi Saidi

Barikiwa 

Mega Gospel Concert

Moriah Band is a christian Gospel or Group of musicians whom have joined together with mission to proclaim the gospel of our Lord Jesus Christ through singing, for this year we wanted to launch our Gospel Band before we pursuits with other activities such as visiting other churches.



We invite you to attend our first and ever gospel concert which is organized on 25th June 2023 at Mount Moriah Ministry of God located in Kakuma 1 Zone 1 Block 12 at 2Pm 

Isaiah 25:1

O Lord, you are my God; I will give praise to you, I will give honour to your name; for you have done great acts of power; your purposes in the past have been made true and certain in effect.



Guests Choirs 

1. Heart of Worship from Kenya Gospel Church in kakuma 

2. Resurrection Choir from Ebenezer Cross Church 

3. Shammah Voices from Kakuma Town 

4. The One voice an independant group from kakuma 3

5. Heaven Glory from Grace Communiom International Church 

Mark your 📅 calendar. Be blessed 🙌 

YMPC will be there for you 

BAPTISM, BEGINNING OF NEW JOURNEY

 Glory to God, 

We've fulfilled the mission

Which mission  has been given to us by our Lord in the book of Matthew 28:13, our Christian's have made a big decision through commitment and passionately  to follow Jesus Christ and to be baptized as prescribed in the Bible. 

Baptism is the beginning of new journey in our Christian's lives, it is matter of decision.

May Almighty God gives you a heart which will enable you to have a right decision. God bless you

#MountMoriahAustralia

Neema

 Kiingilio: Waefeso  2:1-5

[1]Nanyi mlikuwa wafu kwa sababu ya makosa na dhambi zenu;

[2]ambazo mliziendea zamani kwa kuifuata kawaida ya ulimwengu huu, na kwa kumfuata mfalme wa uwezo wa anga, roho yule atendaye kazi sasa katika wana wa kuasi;

[3]ambao zamani, sisi sote nasi tulienenda kati yao, katika tamaa za miili yetu, tulipoyatimiza mapenzi ya mwili na ya nia, tukawa kwa tabia yetu watoto wa hasira kama na hao wengine.

[4]Lakini Mungu, kwa kuwa ni mwingi wa rehema, kwa mapenzi yake makuu aliyotupenda;

[5]hata wakati ule tulipokuwa wafu kwa sababu ya makosa yetu; alituhuisha pamoja na Kristo; yaani, tumeokolewa kwa neema.

Neema ni Nini? 

Neema ni hali ya kupewa ao kuhesabiwa kitu bila kustahili.

Pst Faida 

Maana ya ndoto kiroho,sehemu ya pili

Ujambo mpendwa katika Kristo Yesu, ninakuja tena kwa mara nyingine kukuleteya somo hii “MAANA YA NDOTO KIROHO” THE MEANING OF DREAM SPIRITUALLY, party 2

www.mountmoriahministry.blogspot.com

Na, MS. Guillain 

Karibu tena kwa somo, Katika sehemu hii ya pili tunakwenda kuangalia mambo makuu mawili, ambayo ni;
Aina za NDOTO ni zipi?
Namna ya kutambua NDOTO tunazoota ni ipi?

Aina Za Ndoto na tofauti zake:

Ni muhimu sana kujifunza aina za ndoto kwasababu, hizo aina ndizo zitatuongoza namna ya kuzikabili. Zipo aina kuu MBILI za NDOTO;
Ndoto za KIMWILI
Ndoto za KIROHO

A) Ndoto Za Kimwili:

“Kwa maana ndoto huja kwa sababu ya shughuli nyingi; na sauti ya mpumbavu kwa njia ya wingi wa maneno.” Mhubiri 5:3

Hizi ndoto huitwa PUMZIKO LA MWILI. Baada ya mwili kufanya kazi sana haswa kwa kutumia ile milango mitano ya fahamu; macho, pua, ulimi, ngozi na masikio.

Usiku unapolala; ni MWILI ndiyo unaolala bali MOYO (Roho na Nafsi) zinakuwa zinaishi. Picha ya mambo uliyoyafanya kwa matendo au kwa kuyafikiria inajirudia katika NJOZI, nayo inakuwa inaitwa ndoto za kimwili. Kwa wale wanaongaliaga movie za kutisha utakuta usiku ukiwa umelala unaota ndoto nawe umo katika wakati wa vitisho kama ulivyoangalia kwenye movie

Au unakuta ulikuwa unafikiria jambo, unatumia nguvu nyingi katika kufikiria. Unajikuta usiku unaota ndoto inayotokana na mawazo yako. Lakini pia hizi ndoto zinaweza kukutokea kwasababu za kiafya au ukuaji wa mwili. Ukia mgonjwa mwili unakuwa na uchovu sana hivyo unapata usingizi mzito kama pumziko nako unakupelekea kupata ndoto. Katika hatua fulani za ukuaji mwanadamu anakuwa anaota ndoto mbalimbali kama kuokota fedha, kurukia bondeni, kutembea kenye kivuko kidogo sana majini nk.

Sifa yake kubwa ni kwamba unapoota hiyo ndoto; inakuwa haikusonineshi wala haina mguso wa ndani wowote… Tofauti na ndoto za KIROHO.

B) Ndoto Za Kiroho:

Ayubu 33:14-16 “Kwa kuwa Mungu hunena mara moja, Naam, hata mara ya pili, ajapokuwa mtu hajali. Katika ndoto, katika maono ya usiku, Usingizi mzito uwajiliapo watu, Katika usingizi kitandani; Ndipo huyafunua masikio ya watu, Na kuyatia muhuri mafundisho yao,”

Ndoto za kiroho unapoziota, zinakuja kwa mguso wa ndani ya moyo wako. Unakuta ni ndoto ya kawaida sana ila unapoiota inaanza kukupa msononeko sana. Unakuta unaota ndoto alafu baada ya ndoto ikaanza kukutesa sana moyo mwako. Hiyo ndoto usiipuuze; bali ipokee na kuihoji

Tabia ya muhimu nyingine ya ndoto za kiroho ni kwamba zinakuwa na msisitizo ndani yake… Utaiota mara ya kwanza, na mara ya pili na hata zaidi ya hapo.

Lakini zipo aina MBILI za NDOTO hizi za KIROHO; Nazo ni muhimu sana kuzitofautisha.

Aina MBILI za NDOTO ZA KIROHO ni:-
Ndoto za MUNGU
Ndoto za SHETANI

Mwanzo 40:5-7 “Wakaota ndoto wote wawili, kila mtu ndoto yake usiku mmoja, kila mtu kwa tafsiri ya ndoto yake, mnyweshaji na mwokaji wa mfalme wa Misri waliofungwa gerezani. Yusufu akawajia asubuhi, akawaona wamefadhaika. Akawauliza hao maakida wa Farao, waliokuwa pamoja naye katika kifungo, nyumbani mwa bwana wake, akisema, Mbona nyuso zenu zimekunjamana leo?”

Hawa jamaa wawili, Yusufu aliwakuta wakiwa WAMEFADHAIKA asubuhi…. Kisa tu ni kuota NDOTO.

Mwanzo 28:16-19 “Yakobo akaamka katika usingizi wake, akasema, Kweli Bwana yupo mahali hapa, wala mimi sikujua. Naye akaogopa akasema, Mahali hapa panatisha kama nini! Bila shaka, hapa ni nyumba ya Mungu, napo ndipo lango la mbinguni. Yakobo akaondoka asubuhi na mapema, akalitwaa lile jiwe aliloliweka chini ya kichwa chake, akalisimamisha kama nguzo, na kumimina mafuta juu yake. Akaita jina la mahali pale Betheli; lakini jina la mji ule hapo kwanza uliitwa Luzu.”

Yakobo akaogopa na akaondoka asubuhi na mapema sana.

Mwanzo 41:8 “Hata asubuhi roho yake ikafadhaika; akapeleka watu kuwaita waganga wote wa Misri, na watu wote wenye hekima walioko. Farao akawahadithia ndoto yake, wala hakuna aliyeweza kumfasiria Farao mambo hayo.”

Roho ya Farao ilifadhaika sana baada ya kuota ndoto. Farao pia aliota ndoto hata mara mbili na ndivyo ndoto za kiroho zilivyo, zinakuwa na mkazo ama za msisitizo. Biblia inasema, “Kwa kuwa Mungu hunena mara moja, Naam, hata mara ya pili, ajapokuwa mtu hajali. Katika ndoto, katika maono ya usiku, Usingizi mzito uwajiliapo watu, Katika usingizi kitandani;” Ayubu 33:14-15.

Ndoto za Mungu zinaitwa mara pengine kama ndoto za ufalme mkuu wa mbinguni (ufalme wa nuru) na ndoto za shetani zinaitwa tena ndoto za ufalme wa kuzimu (ufalme wa giza)

SWALI LINAKUJA: Unawezaje kutofautisha NDOTO YA MUNGU na NDOTO YA SHETANI?

Ndoto za kuroho ni malango ya kiroho ya Mungu kusema nawe au shetani kusema nawe. Zina madhara makubwa sana kimwili na kiroho.

Ili uweze kuzifanyia kazi NDOTO, unapaswa KUZICHUNGUZA kwa umakini sana. Siyo ndoto zote zinamaana kiroho, zingine ni ndoto za kimwili tu ambazo hazina maana sana za kufanyiwa kazi.

Sasa, Je utazitofautishaje??? Na kuzitofautisha ni lazima ili kuweze kuzikabili ndoto.

Ndoto za kimwili unapaswa kuzipuuza na kuzitupilia mbali; ila ndoto za kiroho zinahitaji kufanyiwa kazi mara moja. Sasa; Nitazitofautishaje hizo ndoto?

NDOTO ZA KIROHO tumesema ni MALANGO (OPENING) ya KIROHO ambayo ulimwengu wa kiroho unatumia kuwasiliana nawe. Shetani anaweza kutumia ndoto kupandikiza vitu kwako ambavyo usipovingoa vinaweza kwamisha maisha yako.

“Ndipo huyo Elifazi, Mtemani, akajibu na kusema, Basi, nililetewa neno kwa siri, Sikio langu likasikia manong’ono yake. Katika mawazo yaliyotoka katika maono ya usiku, Hapo usingizi mzito uwaangukiapo wanadamu. Hofu iliniangukia na kutetema, Iliyoitetemesha mifupa yangu yote. Ndipo pepo ilipita mbele ya uso wangu; Na nywele za mwili wangu zilisimama. Hiyo pepo ilisimama kimya, nisiweze kutambua sura zake, Mfano ulikuwa mbele ya macho yangu; Kulikuwa kimya, nami nilisikia sauti, ikinena. Ayubu 4:1, 12-16.

Hapa kuna vitu vinne; yaani kuna:-
WAZO liliingia ndani yake kwa NDOTO.
Katika MASIKIO iliingia SAUTI iliyoharibu usikivu wake.
HOFU ilimwingia.
Mifupa yake ikaanza kutetemeka.

Kumbuka IMANI ni kuwa na HAKIKA na mambo yatarajiwayo. Ni bayana ya mambo yasiyoonekana. IMANI chanzo chake ni KUSIKIA; na kusikia huja kwa NENO la Kristo.

Kupitia NDOTO ZA KIROHO Mungu anakuwa anasema nawe:-
Ili kukupa taarifa Fulani
Ili kukuonya kwa jambo Fulani
Ili kukupa tahadhari fulani

Pia ni kupitia NDOTO ZA KIROHO shetani anakuwa anasema nawe:-
Ili kukudhoofisha
Ili kukutesa
Ili kukutoa katika uwepo wa Mungu

Usiipuuzie ndoto unayoota maana inaweza tumika; kukuletea ujumbe wa Mungu, Maonyo au shetani anaweza pandikiza vitu. Mara nyingi shetani hatakuja na NDOTO tu, atakuja na ISHARA na utampokea kwa sababu ya ISHARA au MUUJIZA.

Na yeye ataleta na ujumbe na itakuwa ngumu sana kwako kukataa kwa sababu umeona ISHARA au MUUJIZA. Na lengo kubwa ni kuwa “uache kumfuata Mungu” na “kumpenda Mungu kutapoa” na “utapoteza hofu ya Mungu”

Shetani akifanikiwa katika hiyo dhamira yake kupitia NDOTO; Unapoteza kuambatana na Mungu. Unatopeteza kusikia Mungu anachosema na utaanza kupotea na utaanza kusikia neno la mtumishi zaidi bila kufuata neno la Mungu. Na wengi wamekwama hapo. Wapo watumishi wameacha kumtumikia Mungu kwa sababu waliota NDOTO na kuna vitu vilikuja na mbwembwe na wakidhani ni Mungu kumbe wala siyo MUNGU.

“Kukizuka katikati yako nabii, au mwotaji wa ndoto, akikutolea ishara au ajabu, ikatukia hiyo ishara au hiyo ajabu aliyokuambia akisema, Na tuifuate miungu mingine usiyoijua, tuitumikie hiyo; wewe usiyasikize maneno ya nabii yule, au yule mwotaji wa ndoto, kwa kuwa Bwana, Mungu wenu, yuawajaribu, apate kujua kwamba mwampenda Bwana, Mungu wenu, kwa mioyo yenu yote na roho zenu zote. Tembeeni kwa kumfuata Bwana, Mungu wenu; mcheni na kushika maagizo yake na kuisikia sauti yake, nanyi mtumikieni na kushikamana naye. Kumbukumbu la Torati 13:1-4

Ndoto inaweza tumika na shetani:-
Kupandikiza unabii wa uongo kwa kutumia ishara.
Wanapewa uwezo wa kushawishi watu wasimfuate Mungu katika Kristo Yesu.

NDOTO ZA MUNGU unaweza sana kuzitofautisha na NDOTO ZA SHETANI. Kama unaota ndoto inakupa VITISHO katika maisha yako ya kiroho ama kimwili; ujue kabisa umetoa nafasi kwa SHETANI kusema nawe.

Kama utaota ndoto inakupa MATUMAINI katika safari ya maisha haswa ya kiroho n ahata ya kimwili; ujue kabisa bila shaka ndani yake kwamba ni MUNGU amesema nawe.

Sasa kwasababu NDOTO ni malango ya ulimwengu wa roho; kupitia ndoto hizo za kiroho mambo unayoota yanakuja kuwa dhahiri; yanatokea. Ulimwengu wa kiroho una athiri sasna ulimwengu wa kimwili.

Lazima utatambua kuwa hii ndoto ni MBAYA na INATISHA… hivyo basi ni shetani ndiye anasema nawe… Maana yake umeacha malango wazi hata shetani akapenya kusema nawe.

Kwa maana hiyo; unaweza sana kutofautisha NDOTO ZA KIROHO kwamba ipi ni ndoto ya MUNGU ama ipi ni NDOTO ya shetani.

MAANA YA NDOTO KIROHO

Utangulizi wa somo:

Tunakwenda kujifunza somo linaloitwa “MAANA YA NDOTO KIROHO”. Hapa tunakwenda kujifunza ndoto kwa uchambuzi wa kukidhi wenye utukufu wa Roho mtakatifu kitu wazungu wanaita ONEROLOGY na kama wengi wanavyodhani, hatutakwenda kufasiri ndoto wala kujifunza ufasiri wa ndoto  kitu wanaita ONEROCRITIC.

Marejeo Yetu:

Katika mafundisho yetu tutarejea sana katika kitabu kimoja tu BIBLIA na si vinginevyo / The only book to be our reference is Holy Bible.

SEHEMU YA KWANZA:

Katika sehemu ya kwanza ya somo letu tunakenda kuangalia mambo makuu mawili;

• Ndoto ni nini?
• Nini tofauti ya Ndoto na Maono?

Ndoto Ni Nini?

Katika Biblia yangu kuna neno NDOTO limeandikwa kama mara 68 hivi; kwenye Mwanzo pekee ipo mara 33 na kwenye kitabu cha Nabii Daniel mara 27 na kwa Agano Jipya naliona mara 8 pekee.

Wakati Biblia yangu imesheheni watumishi lukuki wa Mungu. Ni “watu wawili pekee” ndiyo ambao wametajwa katika “kufasiri NDOTO” ambao ni:

I. Yusufu na 

II. Daniel

Maana ya ndoto;

Ndoto; ni hali inayotokea kwa mtu wakati anapokuwa katika usingizi mzito; hiyo hali ni udhihirisho wa kama hayupo usingizini na anafanya mambo fulani ya kawaida (yaliyo dhahiri) ama mambo yasiyo ya kawaidi (yasiyo dhahiri).

Mambo dhahiri; Haya mambo ni kama kuota ndoto ambamo muna kama watu, wanyama waliopo duniano na vitu vya kawaida vilivyopo duniani.

Mambo yasiyo dhahiri; Haya ni mambo ya ajabu, mara nyingi hayapo katika ulimwengu wa kawaida. Unaota nyoka anabadili umbo anakuwa na umbo la mpira wa miguu, unaota wanyama wa kutisha sana, ama viumbe au vitu ambavyo havipo kabisa katika ulimwengu huu wa mwili na nyama.

Kwa mara ya kwanza kabisa NDOTO imeandikwa kwenye Biblia katika Mwanzo 20:3.

“Lakini Mungu akamjia Abimeleki katika ndoto ya usiku, akamwambia, Umekuwa mfu wewe kwa sababu ya mwanamke huyu uliyemtwaa, maana ni mkewe mtu.” Mwanzo 20:3

Walioota ndoto katika BIBLIA;

Wapo watu kadhaa katika Biblia wanatajwa kwamba waliota NDOTO. Tutawaona watu 10 katika Agano la Kale na watu 3 katika Agano Jipya na tutajifunza kidogo kuhusu NDOTO zao.

1. Mfalme ABIMELEKI wa Gerari (Misri):

Mungu alimjia Abimeleki katika NDOTO usiku, siku ambapo alilala na mke wa Ibrahim, Sara… Mungu akamjia mmataifa (Gentile) kwa ndoto kinyume cha kawaida, kwasababu ya mtu wake mpendwa Ibrahim.

“Lakini Mungu akamjia Abimeleki katika ndoto ya usiku, akamwambia, Umekuwa mfu wewe kwa sababu ya mwanamke huyu uliyemtwaa, maana ni mkewe mtu.” Mwanzo 20:3

2. YAKOBO mwana wa Isaka;

Yakobo aliota NDOTO yake akiwa ameondoka nyumbani, akafika sehemu iitwa Luzu ambapo yeye akapabatiza jina la BETHELI kwa maana ya kuamini kwamba ndipo penye lango la Mbinguni. Aliota ndoto ya KUBARIKIWA KWAKE.

“Akaota ndoto; na tazama, ngazi imesimamishwa juu ya nchi, na ncha yake yafika mbinguni. Tena, tazama, malaika wa Mungu wanapanda, na kushuka juu yake.” Mwanzo 28:12

Yakobo akaota NDOTO nyingine tena akiwa katika machungo ya mifugo wa mjomba wake Laban. Pale walipokubaliana na Laban kuhusu mshahara wa kuchunga… Bado Yakobo aliota ndoto ya BARAKA.

“Ikawa, wakati wale wanyama walipochukua mimba, naliinua macho yangu nikaona katika ndoto, na tazama, mabeberu waliowapanda hao wanyama walikuwa na milia, na madoadoa, na marakaraka.” Mwanzo 31:10

3. LABAN mjomba wa Yakobo, na mkwe.

Laban akiwa katika kumfuatia Yakobo baada ya kuondoka na miungu yake/vitu vya thamani na kwa kutoroka… Mungu alimjia huyu mtu wa mataifa tena kinyume na kawaida ila kwa manufaa ya mwanawe Yakobo. Alimwonya asije akamgusa Yakobo.

“Mungu akamjia Labani, Mshami, katika ndoto ya usiku, akamwambia, Ujihadhari, usimwambie Yakobo neno la heri wala la shari.” Mwanzo 31:24

4. YUSUFU mwana wa Yakobo;

Yusufu akiwa na nduguze 12 kwa baba yao Yakobo; aliota ndoto ya ukuu wake juu ya watu wa kwao ikiwa ni pamoja na Baba na mama. Aliota ukuu wake na Kubarikiwa kwake.

“Yusufu akaota ndoto, akawapa ndugu zake habari, nao wakazidi kumchukia;” Mwanzo 37:5

“Akaota tena ndoto nyingine, akawaambia ndugu zake, akasema, Angalieni, nimeota ndoto nyingine; na tazama, jua na mwezi na nyota kumi na moja zikaniinamia.” Mwanzo 37:9

5. MWOKAJI na MNYWESHAJI wa Ufalme wa Misri;

Hawa wawili wakiwa wamefungwa gereza moja pamoja na Yusufu; waliota ndoto katika usiku mmoja. Ni ndoto hizo ndizo zilizokusudiwa na Mungu kwaajili ya kumtoa kifungoni Yusufu na kuliinua jina lake.

“Wakaota ndoto wote wawili, kila mtu ndoto yake usiku mmoja, kila mtu kwa tafsiri ya ndoto yake, mnyweshaji na mwokaji wa mfalme wa Misri waliofungwa gerezani. Yusufu akawajia asubuhi, akawaona wamefadhaika.” Mwanzo 40:5-6

6. FARAO, Mfalme wa Misri:

Farao aliota ndoto, tena mara mbili katika usiku mmoja na akahitaji fasiri ya ndoto yake. Mungu alikusudia kumwotesha ndoto huyu mpagani kwaajili ya kuliinua jina la Yusufu na kutimiza ile ndoto ya Yusufu kuwa mkuu juu ya watu wa kwao.

“Ikawa, mwisho wa miaka miwili mizima, Farao akaota ndoto; na tazama, amesimama kando ya mto.” Mwanzo 41:1

“Akalala, akaota ndoto mara ya pili. Tazama, masuke saba yalimea katika bua moja, makubwa, mema.” Mwanzo 41:5

“Kisha hayo masuke membamba saba yakayala yale masuke saba makubwa yaliyojaa. Basi Farao akaamka, kumbe! Ni ndoto tu.” Mwanzo 41:7

7. MMIDIANI na mwenzake;

Mungu aliikusudia ndoto ile ambayo mmidiani aliiota na kufasiriwa na mwenzake tena kwa ufunuo wa Mungu; lengo lake ni kumjaza imani Gideon na jeshi lake dogo, hakika Gideon alijaa imani kama makusudi ya NDOTO.

“Hata Gideoni alipofika, tazama, palikuwa na mtu mmoja aliyekuwa akimhadithia mwenziwe ndoto, akasema, Tazama, naliota ndoto, na tazama, mkate wa shayiri ulianguka katika kambi ya Wamidiani, ukafika hata hema moja, ukaipiga hata ikaanguka, nao ukaipindua, hata ikalala chini. Mwenzake akamjibu akasema, Habari hii haikosi kuwa upanga wa Gideoni, mwana wa Yoashi, mtu wa Israeli. Mungu amewatia Wamidiani na jeshi lote katika mkono wake. Ikawa, aliposikia habari ya ile ndoto, na kufasiriwa kwake, akasujudu; akarudi katika jeshi la Israeli akasema, Inukeni, kwa maana Bwana amelitia jeshi la Midiani mikononi mwenu.” Waamuzi 7:13-15

8. Mfalme SULEMANI wa Israel;

Kwa hakika wapendwa tunafahamu sana kuwa Suleiman alikuwa Mfalme mwenye hekima sana na tajiri aliyebarikiwa mno… Na tunajua alipewa fursa (favor) na akaomba kupewa HEKIMA. Fursa alikuwa amepewa “kwa njia ya NDOTO.” Nachelea kusema wengi wetu tumepoteza baraka nyingi kwasababu ya kupuuza ndoto ama kukosa ujasiri katika ndoto.

“Na huko Gibeoni Bwana akamtokea Sulemani katika ndoto ya usiku; Mungu akamwambia, Omba utakalo nikupe.” 1 Wafalme 3:5

9. Mfalme NEBUKADREZA wa Babeli;

Mfalme huyu mpagani aliota ndoto na akataka fasiri bila kuwaambia ndoto, alisema ameisahau; alipoona hawajui akataka kuwachinja… Ndipo Daniel jina lake likasimama. Hapa utagundua kuwa pamoja na maana nyingine, ila Mungu alikusudia kumwinua mwanae kwa njia hiyo. Mfalme aliota kuhusu ile “sanamu kubwa ya dhahabu safi inayong’aa sana”.

“Mfalme akawaambia, Nimeota ndoto, na roho yangu imefadhaika hata niijue tafsiri yake.” Danieli 2:3

10. DANIEL aliyeitwa Belteshaza;

Daniel aliota ndoto muhimu sana katika utumishi wake. Ndiyo hii ndoto iliyomfanyabkuitwa kwa jina NABII. Alioota ndoto nayo akaiandika ndiyo inayoweka mlango wa saba wa kitabu chake. Ni ndoto ya ufunuo wa nyakati zilizopo kuendelea hadi zijazo.

“Katika mwaka wa kwanza wa Belshaza, mfalme wa Babeli, Danielii aliona ndoto, na maono ya kichwa chake, kitandani mwake; basi akaiandika ndoto, akatoa habari ya jumla ya mambo hayo.” Danieli 7:1

11. YUSUFU mume wa Maria;

Mungu alisema na Yusufu kwa njia ya NDOTO hata mara mbili. Alimwambia asimwache mchumba wake Maria kwaajili ya mimba. Na wakati mwingine akamwambia kuhusu kifo cha Herode na kwamba sasa warudi nyumbani kutoka uhamishoni.

“Basi alipokuwa akifikiri hayo, tazama, malaika wa Bwana alimtokea katika ndoto, akisema, Yusufu, mwana wa Daudi, usihofu kumchukua Mariamu mkeo, maana mimba yake ni kwa uweza wa Roho Mtakatifu.” Mathayo 1:20

“Hata alipofariki Herode, tazama, malaika wa Bwana alimtokea Yusufu katika ndoto huko Misri,” Mathayo 2:19

12. MAMAJUSI wa Mashariki;

Hawa walipokwenda kwenye ufalme wa Herode aliwaambia mkimwona mfamle ajaye mrudi kunipasha habari nikamsabahi nikampe nami zawadi. Lakini Mungu akasema na hawa mamajusi kwa njia ya NDOTO kuhusu dhamira ya Herodi na kwamba waondoke kwa kupitia njia nyingine.

“Nao wakiisha kuonywa na Mungu katika ndoto wasimrudie Herode, wakaenda zao kwao kwa njia nyingine.” Mathayo 2:12

“Na hao walipokwisha kwenda zao, tazama, malaika wa Bwana alimtokea Yusufu katika ndoto, akasema, Ondoka, umchukue mtoto na mama yake, ukimbilie Misri, ukae huko hata nikuambie; kwa maana Herode anataka kumtafuta mtoto amwangamize.” Mathayo 2:13

13. MKEWE Pilato;

Akiwa katika kutaka kutoa hukumu juu ya Yesu wa Nazareth, Pilato mkewe alimjia na kumuonya kutokunyoosha mkono wake juu ya Yesu kwasababu anakiri kupatabsana tabu usiku katika ndoto ya kwamba huyu Yesu kwamba ni mtu wa Haki na wala hana hatia. Nadhani utakumbuka ni Pilato ndiye aliyesema “mimi sioni hatia juu ya mtu huyu, nimenawa mikono yangu na damu yake isiwe juu yangu na nyumba yangu.”

“Na alipokuwa ameketi juu ya kiti cha hukumu, mkewe alimpelekea mjumbe, kumwambia, Usiwe na neno na yule mwenye haki; kwa sababu nimeteswa mengi leo katika ndoto kwa ajili yake.” Mathayo 27:19

Tofauti Ya Ndoto Na Maono:

Zipo namna tatu za kuingia katika ulimwengu wa ROHO. Namna hizo ni kwa NDOTO na MAONO na MAOMBI. Kwa maana hiyo NDOTO na MAONO zote ni njia za kuingia katika ulimwengu wa ROHO. Lakini pia NDOTO ni ufunuo wa picha na matukio; ilhali MAONO pia.

Tofauti yao inakuja kwamba MAONO humpata mtu akiwa macho kabisa, ubongo wake ukiwa active wakati NDOTO inamtokea mtu akiwa katika usingizi mzito sana, mwili umepumzika na ubongo unafanya kazi.

Ukisoma Biblia utakuta karibu maeneo yote; ndoto na maono yametumiwa kwa namna moja. Unaweza kukuta ndoto inaitwa maono ama maono yakaitwa ndoto. Lakini pia haijaathiri maana halisi ya tofauti zao.

Je, ni halili mkristo kuolewa ao kumuoa muislamu?

 

Jibu langu ni "Hapana", Lakini natumai utasoma vizuri maelezo yangu hapo chini ili kuelewa ni kwa nini nimesema "hapana".

»Itakuwa vyema tukitumia biblià kufahamu mkristo ni nani na muislamu ni nani.

»MKRISTO ni mtu aliyeokoka kwa kuamini  kufa na kufufuka kwa Kristo na anamfuata Bwana Yesu. Tunaliona hili katika kitabu cha WARUMI 10:9 " Kwa sababu, ukimkiri Yesu kwa kinywa chako ya kuwa ni Bwana, na kuamini moyoni mwako kuwa Mungu alimfufua katika wafu; utaokoka".

»Tunapomuita Yesu kuwa ni Bwana yaani Bwana Yesu, tunamaanisha kuwa yeye ni kiongozi au mtawala wa maisha yetu  tukifanya yote ayatakayo (MATHAYO 7:21).

»Kwa hiyo Mkristo hujibidisha kumpendeza Mungu, hata kama kuna muda ataonekana kushindwa(kuchelewa kuolewa), hapaswi kumkana Yesu. Kama ataziacha amri za Mungu, hatoweza kuingia katika ufalme wa Mungu pamoja na kwamba hapa duniani alijiita kuwa yeye ni Mkristo.

MUISLAMU NI NANI?
»Pamoja na maandiko mengi ya kiislamu kutakakufanana na ya Kikristo(kwa sababu walinakili), lakini imani ni tofauti na tofauti zake ni nyingi mno ukizichunguza kwa makini.

»Waislamu huamini Yesu kuwa ni nabii, hawaamini kuwa Yesu ni Mungu, wala hawaamini kuwa Yesu alifufuka. Hii ndio sababu ya Wakristo na Waislamu kutokuwa sambamba, kwa sababu wanaamini vitu tofauti kuhusu kiungo muhimu katika Ukristo yaani Yesu (WARUMI 10:9).

»Katika YOHANA 3:18 tunaona kuhusu Yesu " Amwaminiye yeye(Yesu) hahukumiwi(hana hatia); asiyemwamini(Yesu) amekwisha kuhukumiwa(ni mwenye hatia); kwa sababu hakuliamini jina pekee la mwana wa Mungu".

»Muislamu ni mwenye hatia, aliyehukumiwa tayari kwa sababu hamwamini Yesu.

»Tukisoma katika 2 WAKORINTHO 6:14-17 "Msifungiwe nira  pamoja na wasioamini........yeye aaminiye ana sehemu gani na yeye asiyeamini?......." Mkristo hapaswi kuolewa na muislamu.

»Hata kama mwanamke(mkristo) amefiwa na mume yaani ni mjane, anaruhusiwa kuolewa na mtu yeyote amtakaye katika Bwana tu. 1 WAKORINTHO 7:39 " ....yu huru kuolewa na mtu yeyote amtakaye; katika Bwana tu".

»Hii ni amri ya Mungu na ni hekima pia, kwa sababu Mungu anatuambia mahusiano ya ndoa ni moja ya mambo yanayotusaidia kukua(kuimarika) kiroho na kuwa na nguvu za Kimungu na hayapaswi kutuzuia kukua kirohi.

»Kwa hiyo basi, wanamume wameamriwa kuwapenda wake zao na kuwafanya kuwa watakatifu(WAEFESO 5:25-33). Je, mwanamume wa kiislamu anaweza kufanya hivi hali yeye mwenyewe hamwamini Yesu? Jibu ni hapana hawezi badala yake ni kukuangusha kiroho na kukufanya uigeukie miungu ya kigeni ambayo ni chukizo kwa Mungu wetu.

»Tafuta kuwa karibu na Mungu, usikate tamaa kwa kuona umri umeenda wala huolewi; mwombe Mungu naye atakupa kwa wakati wake tena aonao kuwa wafaa.

»Je, unamfuata Yesu au unamwita Bwana, Bwana hali huyatendi yale asemayo? Je, unahakika kuwa ukifa unaingia mbinguni?

Kwa mawasiliano zaidi mountmoriahministry@gmail.com  wasilianan +254714981516 jiunge nasi www.facebook.com/Mount-Moriah-Ministry-of-God

Jifunze kuusu Pasaka

 »Neno "Pasaka" linatokana na neno la kiebrania "PESACH"  kwa kiingereza ni lenye maana "PASS OVER" yaani "KUPITA JUU YA".

»Mwanzo wa Pasaka ulikuwa ni wakati wa nabii Musa (KUTOKA 12:14,17-18,21, KUTOKA 13:3-4; HESABU 9:21-30).

»Pasaka ni tendo la Bwana kupita juu ya nyumba za wana wa Israeli huko Misri, pale alipoiona damu ya mwanakondoo wa Pasaka katika vizingiti vya juu na miimo miwili ya milango yao alipita juu na kuacha kuwaharibu. Walioharibiwa walikuwa ni Wamisri ambao alama ya damu haikuonekana katika nyumba zao (KUTOKA 12:21-30).

»Mungu aliwaagiza wana wa Israeli kuikumbuka siku hii.

»Siku kuu hii ya Pasaka ilifanyika kuwa kumbukumbu kila mwaka katika mwezi wa Kiyahudi unaoitwa " NISAN" (NEHEMIA 2:1) au  "ABIB" (KUTOKA 13:3-4). Siku kuu hii ilifanyikwa kwa juma moja yaani siku ya 14 hadi siku ya 21.(KUTOKA 12:14,17-18; HESABU 9:1-5).

»Mwezi wa "NISAN" au "ABIB" katika kalenda yetu ni kati ya mwezi "MARCHI" na "APRILI". Kuanza kwa mwezi ABIB kunategemeanana mwandamo wa mwezi . Ndiyo maana tarehe za siku kuu ya Pasaka hubadilika kila mwaka, Lakini huwa ni kati ya mwezi Marchi na Aprili.

»Katika kusherekea siku kuu hii walihitajika kuchinja wanyama wengi sana ili kupata damu kwa ajili ya sadaka ya kuteketezwa kama ondoleo la dhambi. Kwa wastani katika kipindi cha Pasaka walichinjwa wanyama 256,500 (laki mbili hamsini na sita elfu na mia tano).

»Katika kusherehekea Pasaka, Wayahudi walifanya mkutano mkubwa  au konferensi ambapo walikusanyika pamoja na kula na kunywa na kuwa na muda mrefu wa kulisikia Neno la Mungu.

»Siku kuu hii iliendelea hadi katika kipindi cha Yesu Kristo. Yesu kristo mwenyewe alikuwa akienda kusherekea Pasaka(LUKA 2:41-52; YOHANA 2:13,23).

»Hiki kilikuwa ni kivuli cha Yesu Kristo kama mwanakondoo wa Pasaka aliyechinjwa msalabani.

»Yesu kristo alitolewa kusulubishwa wakati wa pasaka kama Pasaka wetu(YOHANA 18:39, 19:14-18; 1 WAKORINTHO 5:7). Kwa sababu hiyo, sasa hatuna haja ya kuchinja wanyamatena kama sadaka bali ni kumwamini Yesu ambaye ndiye sadaka yetu.

»Kila amwaminiye Yesu Kristo kwa Imani tu, damu ya Yesu hunyunyizwa juu yake na kuoshwa dhambi zote na kuwa salama(1 PETRO 1:2). Sasa hakuna haja tena ya kuchinja wanyama.Sasa tunaingia patakatifu pa Bwana(hekaluni) kwa damu ya Yesu(WAEBRANIA 10:19). Shetani ni Mharibu lakini hawezi kumharibu yeyote aliyenyunyiziwa damu ya Mwanakondoo (1 PETRO 1:2; UFUNUO 12:11).

»Kila asiyemwamini Yesu ghadhabu ya Mungu inamkalia, amekwisha hukumiwa (YOHANA 3:3,16-18). Kwa jinsi hiyo basi, ni busara mtu kusherehekea Pasaka pale tu ambapo amekwisha nyunyiziwa damu ya Yesu na kumshinda Shetani. Kinyume cha hapo, ni kufanya mchezo wa kuigiza(YOHANA 1:35-36, 10:10).

Imeandaliwa naye MS. Guillain

Mount Moriah Ministry of God

#Kenya 

Kwa huduma zaidi, wasiliana nasi kwenye nambari +254714981516 ao kwenye baruwa pepe mountmoriahministry@gmail.com